Nënshkruhet marrëveshja me ‘Sinofarm’, brenda shkurtit në RMV do mbërrijnë 200 mijë doza vaksinash

Bashkohuni me grupin tonë zyrtar në Facebook duke klikuar këtu!

Ministri i Shëndetësisë në Maqedoninë e Veriut, Venko Filipçe, ka nënshkruar marrëveshjen për furnizim me vaksina kundër COVID-19 me kompaninë kineze “Sinofarm”.

Referuar marrëveshjes, rreth 200 mijë doza të vaksinave do të vijnë në Maqedoninë e Veriut gjatë muajit shkurt.

Korrespondentja e Euronews Albania, Ferikan Iljazi raportoi se edhe nisja e procesit të vaksinimit pritet të nisë brenda muajit shkurt.

Kjo e fundit sqaroi se në RMV është bërë gati e gjithë infrastrktura për nisjen e procesit të vaksinimit.

Gazetarja u shpreh më tej se nuk dihet nëse dozat e vaksinave do të transportohen në të njëjtën kohë apo në faza të ndryshme.

Vaksina e kompanisë “Sinofarm” ruhet dhe shpërndahet në një temperaturë prej 2 deri në 8 gradë Celsius, ndërsa është e paketuar në shiringë të mbushur paraprakisht, e cila lehtëson aplikimin e saj.

Ndërsa nëpërmjet sistemin COVAX, pritet të vijnë vaksinat e porositura në muajin mars.

Burimieuronews.al
Artikulli paraprakNdryshime në SUPERSPORT, Egi Duro zë vendin e Dritan Shakohoxhës
Artikulli tjetër‘Jemi në situatë alerti’/ Eugena Tomini flet për masat e reja dhe si do ndryshojë ora policore