Në prag të vjeshtës, Netflix ka shpallur datën e premierës për filmin horror thriller “It’s What’s Inside,” që e ka blerë për rreth 17 milionë dollarë në Festivalin e Filmit Sundance të këtij viti. Filmi, që shënon debutimin e suksesshëm të shkrimtarit dhe regjisorit Greg Jardin, do të lançohet globalisht në platformë më 4 tetor.
“It’s What’s Inside” sjell një histori intriguese dhe të ndërlikuar, e cila i ngjan tonalitetit të komedisë horror “Bodies Bodies Bodies” të vitit 2022 nga Halina Reijn. Filmi ndjek një grup miqsh që mblidhen për një festë para martesës, por që shndërrohet në një makth ekzistencial kur një mik i larguar arrin me një lojë misterioze që zgjon sekrete, dëshira dhe inate të fshehura prej kohësh.
Në kastin e filmit përfshihen Brittany O’Grady (The White Lotus), James Morosini (I Love My Dad), Gavin Leatherwood (Chilling Adventures of Sabrina), Nina Bloomgarden (The Idea of You), Alycia Debnam-Carey (Fear the Walking Dead), Reina Hardesty (Brockmire), Devon Terrell (Totally Completely Fine), dhe David Thompson (Panic). Producentët e filmit janë William Rosenfeld, Kate Andrews, Jason Baum dhe Raúl Domingo, ndërsa Colman Domingo, i nominuar për Oscar, ka shërbyer si producent ekzekutiv së bashku me Ulf Ek dhe Robert Kapp.
