Emanuela e cila është rritur në Greqi, është dashuruar me Semin, një djalë jetim përmes Facebook. Ajo ka ardhur në rubrikën “Ka një mesazh për ty” tek E Diela Shqiptare për t’i kërkuar falje për çdo problem që i ka shkaktuar në jetë. Ajo është shtatzënë dhe janë në gjendje të vështirë ekonomike. Familja e Emanuelës nuk e pranon më atë, vetëm nëse vendos të ndahet nga Semi.
Emanuela: Unë ndihem shumë fajtore për çfarë ka kaluar Semi në jetë. Për shembull këto dy vite që është me mua ka kaluar shumë vështirësi.
Ardit Gjebrea: Ti ku punon?
Emanuela: Tani për momentin nuk punoj. Kam studiuar për infermieri, kam punuar në Selanik. Këtu në Shqipëri kam kërkuar, por nuk kam gjetur. Semi punon me ditë, ku të gjejë. Për momentin nuk punon dhe ne me gjithë këto probleme që kemi, kam arritur të jem 8 muajshe shtatzënë dhe akoma nuk e kam ndjerë atë ndjesi që po sjell një fëmijë në jetë.
Ardit Gjebre: Pse?
Emanuela: Sepse ekonomia, nuk kam patur të ardhura që të them si nënë të shkoj t’i ble një rrobë, të kënaqem.
Ardit Gjebrea: Tani ku jetoni ju?
Emanuela: Jetojmë tek motra e Semit në shtëpi sepse janë 5 vëllezër.
Ardit Gjebrea: Ju keni folur për pjesën e Semit në jetimore, apo do ta fshijë atë periudhë jete?
Emanuela: E kanë çuar sepse prindërit kanë pasur vështirësi dhe nuk mund ta mbanin. Ka tre muaj që e ka humbur babain.
Ardit Gjebrea: Mami e ka marrë vesh që do bëhet gjyshe nga ty?
Emanuela: E ka marrë. Në fillim më thoshte hiqe, nuk dua ta mbash. Tani e do por më thotë hajde në Greqi, bashkë me gocën se unë do të të ndihmoj, por vetëm ndahu. Unë kam thirrur Semin sot që t’i kërkoj falje dhe t’i premtoj që të jetojmë për të ndjerë se po vjen goca sepse nuk e kemi ndjerë akoma dashurinë e gocës, të gjitha këto probleme na kanë lënë mbrapa. Semi është rritur në jetimore, nuk është e lehtë të rritesh pa prindër.
Ardit Gjebrea: Çfarë pune di të bëjë Semi?
Emanuela: Të gjitha, nuk e ka problem fare.
