Një ngjarje e rëndë ka ndodhur në Francë, ku 3 punonjës policie janë qëlluar për vdekje me armë zjarri, ndërsa një tjetër mbeti i plagosur.
Mediat franceze raportojnë se efektivët kishin shkuar në banesën e një 48-vjeçari të armatosur, pasi ishin njoftuar se ai po ushtronte dhunë në familje. Bëhet me dije se ngjarja ka ndodhur në fshatin francez Saint-Just dhe ishte pikërisht bashkëshortja e burrit që kishte kërkuar ndihmën e policisë për të shpëtuar nga dhuna.
Në momentin që policia ka mbërritur në vendin e ngjarjes 48-vjeçari ka hapur zjarr ndaj tyre, ku si pasojë fatkeqësisht kanë humbur jetën 3 efektivët të moshave 21, 37 dhe 45 vjeç.
Sipas mediave, pasi autori ka qëlluar mbi policët, i ka vënë zjarrin banesës, por fatmirësisht është arritur që të shpëtohet bashkëshortja e tij e cila qëndronte e fshehur në çatinë e shtëpisë.
Ndërkohë, policia po punon për kapjen dhe identifikimin e autorit.
