Dita e nesërme, e hënën 5 shtator, shënon edhe për Top Channel nisjen e sezonit të ri televiziv.
Pasi ju kemi njohur me programet e dy kanaleve të tjerë gjeneralist më të rëndësishëm në vend, Tv Klan dhe Vizion Plus, është rradha e Top Channel për të zbuluar disa nga programet që do të startojnë me sezonet e reja.
Emisioni i parë që do hapë ditën do të jetë “Wake up”, i cili këtë herë vjen në drejtimin e Eno Popi dhe Isli Islami. Duke filluar nga ora 7.00 deri në orën 9.00 në transmetim simultan në Top Channel dhe Top Albania Radio.
Programacioni do të vazhdojë me sezonin e dytë të emizionit “Në Shtëpinë Tonë”, me prezantuesit Alban Musa dhe Anjeza Maja, drejt rrugëtimit në promovimin e jetuarit bukur dhe në mënyrë të shëndetshme.
Po më 5 shtator nis sezonin e ri edhe emisioni investigativ “Fiks Fare”, i cili këtë vit vjen me dy prezantuesit e rinj, Devis Muka dhe Dorian Ramaliu.
Top Channel premton që ky sezon i ri do jetë i mbushur me shumë surpriza, me emisione e programe të reja si dhe me drejtues të rinj.
