Spektakli ‘Portokalli’ dhe aktorët që do të jenë ose jo në të këtë sezon të ri ka krijuar mjaft zhurmë në mediat rozë sidomos pasi disa aktorë njoftuan se do të largoheshin prej tij. I fundit që u përfol për diçka të tillë ishte Florian Binaj që ndër role të tjerë luan edhe atë të ‘Policit’, mjaft i pëlqyer nga publiku.
Ditën e djeshme ish-aktori i këtij spektakli, Jul Deda shkaktoi një debat virtual me regjizorin Altin Basha i cili i replikoi publikisht vetëm sot. Por, nuk është vetëm Jul Deda ai që ka diçka për të thënë për regjizorin.
Rezart Veleshnja, i njohur për rolin e tij si Betim Spërdhima, ndër të tjerë, ka bërë një status publik në Facebook ku përmend edhe regjizorin Basha.
“Sot mbush 10 vjeç në tv nr 1 në Shqipëri Top Channel! U rrita artistikisht në këtë shpi me prindër të mirë edhe të mençur! Një falenderim shkon për Altin (Bishën) që më bëri ky që jam! Ai që nuk harrohet është Ledjo Lako që ishte i pari që më shoqëroi në këtë skenë edhe më mësoi hapat e para! Flm të gjithëve që më mbështetët! Por mos harroni këtë javë në tv tuaj vjen ‘Portokalli’ më lart se kurrë më parë një super skenografi edhe numra surprizë pafund nga Flor Binaj, Ledjo Lako, Gazmend Paja, Marin Orhanasi etj, etj”, shkruan aktori.
