Elvis Pupa ishte banori i fundit i eleminuar nga shtëpia më e famshme në Shqipëri, ajo e “BBVIP2”, me aktorin që zgjodhi të mos përfshihej në debatet e forta gjëtë kësaj aventure, duke u përpjekur gjithnjë të japë mesazhe pozitive dhe ta zgjidhë cdo situatë me qetësi.
Edhe pse eksperienca e tij në reality show-n mbaroi, duket se nuk ka mbaruar eksperienca e tij në Shqipëri, pasi kujtojmë se Pupa prej vitesh jeton jashtë, por tani ai me shumë gjasë do ta shtyjë rikthimin dhe do të qëndrojë këtu për disa projekte të reja e njëri prej tyre, do të jetë një film. Kështu, i ftuar sot në “Ftesë në 5”, komediaini ka bërë me dije se përveç projekteve muzikore, do të bëjë edhe vazhdimin e filmit që ai ka realizuar disa vite më parë, ku protagonsitë mund të jenë edhe disa prej banorëve të “BBVIP2”.
“Kam qeJf të bëjë një film, mund të ketë disa pjesë të shkurtra humoristike…po dhe këtë filmin e kam qejf, dua të rikthejë filmin e fundit që kam rregjistruar në Amerikë në 2011, dua të bëj dyshin, po dua të bëhet këtu, dua një produksion të madh, shume veta nga shtëpia e “BBV2” kanë shprehur dëshirën të jenë pjesë e këtij produksioni…”- u shpreh Visi, që mesa duket i ka qëllimet e qarta për ta bërë filmin e ardhshëm të suksesshëm.
Ndërkohë sa i takon projekteve muzikore, ai bashkë me Lorenc Hasramën ka publikuar një foto nga një studio e mesa duket do të vijë një bashkëpunim mes tyre, gjë që e kanë folur shpesh edhe në shtëpinë e “BBVIP2”.
