“Stranger Things 4”, sezoni i fundit i seralit të famshëm, në debutimin e tij u pa 1.35 miliardë orë në 28 ditët e para, statistika këto të publikuara nga Netflix, duke e bërë kështu edhe prodhimi në gjuhën angleze që mban rekordin e popullaritetit në platformën transmetuese. Këto për t’ju krijuar idenë se sa fansa ka seriali dhe se si pafund njerëz janë në pritje të sezonit të tij të ri, që ende nuk është në fazë xhirimesh.
Ose të paktën kështu mendonim ne, teksa një postim i fundit i Megan Thee Stallion në Instagram, jo vetëm që mund të ketë konfirmuar se xhirimet për sezonin e 5-të të “ST” kanë nisur, por edhe se ajo vetë do të jetë pjesë e tij. Prisni, cfarë?
Po, po, reperja ka postuar një sërë fotosh në rrjetin social dhe ato që kanë bërë më shumë përshtypje janë dy të fundit, ku ajo shfaqet në një karrige me logon e Netflix dhe pastaj me kartën e “Stranger Things” në dorë. Dhe tani të gjithë mendojnë se po, artistja do të jetë pjesë e sezonit të ri, edhe pse nga ajo apo produksioni nuk ka asnjë konfirmim apo mohim të lajmit.
Gjithashtu duhet marrë parasysh fakti që Megan është një fanse shumë e madhe e serialit, sic e ka thënë vetë disa herë dhe ndoshta është thjeshtë një postim “vlerësimi”, nuk e dimë, ne shpresojmë të jetë pjesë e serialit sepse pse jo. E sigurisht kjo nuk do ishte hera e parë që këngëtarë marrin pjesë apo kanë role të vogla në serialet e tyre të preferuara.
