Emisioni politik “Arena” që transmetohej çdo të mërkurë në ekranin e RTV Ora, nuk do të shfaqet më në këtë televizion.
Burime ekskluzive për “Iconstyle.al” kanë bërë me dije se programit që drejtohej nga Dritan Hila nuk iu rinovua kontrata për këtë sezon edhe pas disa negociatave.
Akoma nuk ka një reagim nga vetë Hila nëse ky program do të vijojë transmetimet në ndonjë televizion tjetër apo jo.
Përsa i përket jetës së tij personale, në tetor të vitit që lamë pas, Rudina Xhunga dhe Dritan Hila kanë festuar 10-vjetorin e tyre.
Ndryshe nga ç’jemi mësuar të shohim zakonisht nga çiftet, të cilët përkëdhelin njëri-tjetrin me urime romantike, urimi i Rudinës dhe Dritanit ka qenë shumë më ndryshe.
Ata ndanë me ndjekësit në rrjete sociale foto krah njëri-tjetrit, ndërsa urimi i Hilës na tërhoqi vëmendjen më të madhe.
“10 vite bashkë. E fortë dole”- ka shkruar gazetari, si një kompliment për bashkëshorten e tij.
Këtë e ka treguar edhe vetë Rudina në një postim në InstaStory, duke treguar me humor ç’i kishte thënë bashkëshorti krahas fotos së dyshes me të bijën.
“E fortë dole”- kështu ma uroi Dritan Hila përvjetorin e martesës”- shkruan gazetarja krahas një fotoje të çiftit me të bijën, Alana.
