Debati mes Gëzimit dhe të motrës është nxehur shumë në rubrikën “Shihemi në gjyq” në “E diela shqiptare”. Teksa Gëzimi e akuzon se i ka 6 milionë lekë borxh, Merzako thotë që nuk e mban mend sa para i ka marrë të vëllait.
Eni Çobani: Si erdhi momenti që i dhatë këto lekët? Si t’i kërkoi ekzakt se edhe nuk i mbaka mend?
Gëzimi: Kjo pati konflikt me bashkëshortin dhe kaloi në divorc. Duke ditur fëmijët në shkollë…
Merzako: Lëre divorcin, çfarë t’i bëj fatit, më ra…
Gëzimi: Po pusho moj të sqarohem me zonjën Eni, pusho po të them. Kjo u divorcua me bashkëshortin dhe i lindën probleme si çdo familje. Më erdhi në shtëpi duke qarë, madje dhe mamaja më tha: Gëzim ta ndihmojmë. Jam kthyer nga Greqia dhe këstin e parë i kam dhënë 2 mijë euro në vitin 2016. Pasi ka kaluar 1 vit e pak, i kam dhënë edhe 2 milionë të tjera dhe kjo vjen e më thotë të kam marrë 3 milionë lekë.
Merzako: Po nuk e mbaj mend mor vëlla se kam qenë shumë e shqetësuar…
Gëzimi: Zonja Eni dua që të ma zgjidhësh këtë gjë sepse kam lënë fëmijët e mi pa iu plotësuar kushtet për të mbajtur motrën dhe sot ke fytyrë dhe më thua se të kam dhënë 3 milionë.
Merzako: Ja sikur të të kem dhe 6 milionë lekë, ku të t’i gjej?! Unë jam e papunë. Me një asistencë moj zonja Eni.
Gëzimi: Edhe unë jam në borxh sot, edhe unë jam në hall të madh. Ke një vit e pak që nuk më ke shkelur në shtëpi. Ti nuk e di gjendjen e nënës, u harbova unë spitaleve.
Merzako: Po ti e ke në shtëpi mo vëlla. A të merr mamaja pension?
Eni Çobani: Po sa fëmijë ka kjo nënë?
Merzako: 5 fëmijë. Ky është i vogli se gjithë shqiptarët e kanë traditë se e mban i vogli.
Eni Çobani: Kjo nuk është traditë, atë e mban sigurisht aty ku ndihet mamaja më mirë, po gjithë shpenzimet ky i mban?
Merzako: Po
Eni Çobani: Po çfarë pensioni ka nëna?
Merzako: 80 mijë lekë.
Gëzimi: Unë jam në hall të madh. Nga kjo studio nuk dal zonja Eni, ose ajo, ose unë i gjallë.
Ardit Gjebrea: Janë 2 mijë euro dhe 2 milion lekë…
Gëzimi: Plus edhe 1 milion e 300 mijë lekë të vjetra, janë 3 këste.
Gëzimi: Pusho moj se është hall më i madh ky i imi. Janë dy fëmijë që po i lë rrugëve. A të ka shkuar ndër mend se çfarë ke lënë në atë shtëpi, në atë themel?! A ka vëllai, të hajë, të pijë, po shpenzimet e nënës apo shpenzimet e fëmijëve? Të të vijë zor, të të vijë!
Merzako: Unë nuk i përgjigjem dot se në atë shtëpi që jam unë, jam pa ujë, pa drita, unë po e mora mamanë, e plevitosa.
Gëzimi: Unë do ta hyp në taksi nënën dhe do të ta sjell në Ersekë nesër, pasnesër.
Merzako: Po 5 ditë do të rrijë ajo, më shumë nuk zgjat.
Eni Çobani: Po pse 5 ditë?
Merzako: Nuk ka kushte.
Gëzimi: Unë sot kam sjellë motrën time këtu në “Shihemi në Gjyq” sepse kemi një konflikt që nuk besoj se do ta zgjidhim dot motër e vëlla që mos qofshim motër e vëlla.
Merzako: Wa edhe këtë e thua mo vëlla?! Edhe më solle deri këtu mua?!
Gëzimi: Pusho se do të sqarohem me zonjën Eni. Pusho të lutem! Zonja Eni…
Merzako: Për lekë më solle këtu dhe gjithë këtë debat?!
Gëzimi: Pusho të lutem! Mbylle të thashë tani! Zonja Eni kjo më ka marrë një shumë prej 6 milionë lekësh të vjetra dhe ka më shumë se një vit që kjo nuk ka shkelur në derën time. Nuk e di se si jeton vëllai, se si jeton nëna.
Merzako: 2 milionë të kam marrë…
Gëzimi: Pusho moj të sqarohem me zonjën Eni!
Merzako: Më ke mua motër, nuk e ke zonjën Eni.
Gëzimi: Unë vij nga Korça, motra jeton në Ersekë dhe ka më shumë se një vit që nuk më shkel në shtëpi qëkur i kam kërkuar lekët.
Merzako: Po ai më kërkon lekët moj zonja Eni.
Gëzimi: Biles po bëhen 3 muaj që ma mbyll telefonin.
Merzako: Po s’kam si të përgjigjem sepse nuk kam se ku t’i gjej lekët.
Gëzimi: Po pusho moj se sot kam ardhur të llafos…
Merzako: Nuk kam se ku t’i gjej lekët që t’i jap.
Gëzimi: Lekët do t’i gjesh sesbën, unë t’i dua lekët, përpjetë të hidhesh!
Merzako: Nuk kam ku t’i marr. 5 milionë, 6 milionë nuk kam ku t’i marr!
Eni Çobani: Sa pretendon ti Merzako?
Merzako: Po 2 a 3…
Gëzimi: Po a je në terezi ti 2 a 3, unë t’i kam me fakte, unë t’i kam me data.
Merzako: Po aq të kam marrë.
Gëzimi: A je në terezi ti apo? Thirri trurit! Zonja Eni unë i kam mbajtur të gjitha shënim se kur ia kam dhënë.
Merzako: Unë nuk të kam firmosur gjë…
Eni Çobani: Nuk ke firmosur gjë se ai t’i ka dhënë në mirëbesim.
Merzako: Unë thashë se do të m’i falte ato lekët.
Gëzimi: Pusho, moj pusho.
Ardit Gjebrea: Nuk i thuhet vëllait nuk kam firmosur për ato lekë..
Merzako: Nuk kam firmosur, nuk kam të ia jap!
