Orinda Huta këtë sezon të ri vjen me një tjetër format origjinal ideuar e moderuar nga vetë ajo.
“Cover” është titulli i formatit, shtylla kryesore e të cilit do të jetë mënyra e të jetuarit. Lyfestyle në të gjithë spektrin. Do të jetë një program i bazuar mbi artin dhe çdo produkt do të vij i paraqitur në mënyrë artistike falë regjisë së Altin Ago.
Publiku çdo ditë e më shumë është i interesuar dhe shfaq dëshirën për të parë gjëra të bukura. Për F.A.S.H (fashion, arkitekture, stil, home) ka gjithnjë vend në Cover. Këshillat për një mënyrë jetese të bukur janë gjithnjë të domosdoshme.
Emisionitnuk do t’i mungojnë të ftuarit special. Intervistat me zonja të njohura në karrierë do të vijnë për të rrëfyer historinë e tyre të suksesit dhe pjesëza nga jeta e tyre private të cilat pëlqehen shumë prej publikut.
Po kështu intervista me burra të njohur në karriere. Ata do të vijnë për të rrëfyer historinë e tyre të suksesit. Jeta personale e tyre ngjall gjithnjë interes. Të suksesshëm në punë falë suksesit në familje.
Turizmi në Cover – Për t’u njohur me Shqipërinë, vendet e bukura dhe atë çfarë ofron. Edhe pse duket sikur njohim cdo gjë falë edhe rrjeteve sociale, sërish ofertat më të mira dhe mrekullitë e natyrës tonë ngjallin interes gjithnjë. Por Shqipëria nuk është i vetmi destinacion të cilin mund të zbulojmë. Dëshira për të bërë pushime endrrash nuk shteron kurrë ndaj herë pas here do të zbulojmë disa nga destinacionet me ofertat më të mira duke i bashkëngjitur edhe pjesën artistike e atë historike.
Moda në Cover – Moda në Cover do të vij e prezantuar nëpërmjet trendeve të fundit, stiliste shqiptar ose jo. Sipërmarrës që sjellin tendencat më të fundit në Shqipëri. Fashion Blogger të cilat këshillojne çdo javë. Dyqane luksi të të gjitha llojeve do të sjellin produktet më të fundit, duke i ardhur në ndihmë publikut.
Aktivitetet kulturore në Cover – Sezoni i ri i rikthen artdashesit në teatër, opera, kinema dhe mënyra të tjera alternative. Cdo javë do të sjellim të rejat më të fundit nëpërmjet intervistave apo backstage-ve.
Formati më i ri do të transmetohet në Vizion Plus, çdo të enjte ora 20.00.
