Pak ditë më parë tregut mediatik shqiptar i pushoi së ekzistuari një ekran informativ, “UTV News”. Megjithatë një ndër moderatorët dhe gazetarët më të mirë të këtij ekrani siç duket ka gjetur menjëherë folen e re të punës mediatike. Moderatori i programit të suksesshëm politik “Fakt”, Çim Peka, është bashkuar me stafin e “News 24” për të vazhduar misionin e tij në fushën e medias.
Lëvizja, siç e tham edhe më lartë, ka ardhur e imponuar nga mbyllja e papritur e kanalit informativ “UTV News”, një kanal i cili këto kohë ishte reshtuar edhe si një opozitë ndaj qeverisë aktuale, kjo edhe si pasojë e pronësisë nga një deputet i Partisë Demokratike. Kujtojmë që Çim Peka në “UTV News” kishte kaluar para pak vitesh nga kanali tjetër informativ “NTV – Nesër TV” dhe suksesin tek “UTV” e ka patur mëse të mirë, ku në studio ka patur personazhet politike dhe analitike më të spikatur në vend, duke filluar nga Kryeministri, Presidenti, Kryetari i Parlamentit etj. Njoftohemi emisioni “Fakt” do të filloj transmetimet në “News 24” në vend të programit “Studio e Hapur”, i cili prezantohet nga Eni Vasili. Përderisa akoma nuk ka informacion nëse Eni Vasili do të vazhdoj programin e saj në këtë kanal apo diku tjetër.
Qëndroni me “IMA” për të ndjekur hap pas hapi përditësimet e këtij lajmi dhe jo vetëm.
IMA / S. Dema
