Mbrëmjen e së hënës u mbajt finalja e spektaklit të dashurisë “Love Story”, në Tv Klan, ku djali protagonist zgjodhi një nga konkurrentet si partneren e tij. Progami u finalizua pas 15 javësh transmetim dhe Saimiri kishte krah tij në finale Merin dhe Generdën.
Saimiri dhe Meri e zhvilluan takimin e finales në Romë, ku shkëmbyen puthje dhe çaste mjaft të ngrohta mes tyre. Ishte Meri ajo që gjithashtu triumfoi në zemrën e Saimirit, duke u përzgjedhur si partnerja e tij jashtë programit.
Pas përfundimit të spektaklit, Meri ka vendosur që t’i dedikojë publikut dhe fansave një mesazh të gjatë. Me anë të një statusi në llogarinë e saj personale në ‘Instagram’, ajo ka folur me detaje për rrugëtimin në ‘Love Story’, vështirësitë dhe sulmet që i janë bërë.
“Te dashur mbeshtetes dhe ndjekes te faqes sime! Ju falenderoj pamase per fjalet e ngrohta dhe inkurajimin qe me keni dhene gjate gjithe rrugetimit tim ne Love Story. Teksa momentet e bukura jane shfaqur ne ekran, gjate kesaj eksperience kam provuar edhe sulme dhe intriga nga me djallezoret, qellimi i te cilave ishin qe une te terhiqesha nga Love Story. Une nuk u theva dhe fale jush ja dola, te shkoja deri ne fund. Sa i perket zgjedhjes, ai ishte vendim i Saimirit! Dhe une e deshiroja! Jam e lumtur, qe dola nga ky shoë me Saimirin ne krah! Ndihem me shume se e bekuar! Por, edhe sot, ndersa cdo gje duket se eshte ne vendin e vete, perseri sulmet nuk kane ndalur ndaj meje… Pas shpifjeve per ngjyren e lekures, – sot u moren dhe me gjyshen time te ndjere! Lerini njerezit ne paqe! Te gjithe ata qe me njohin ne Elbasan dine gjithcka per origjinen, traditen dhe familjen time te respektuar ge kam! Gjithashtu jane munduar edhe te spekulojne me shoket dhe miqte e mi duke perdorur foto te marra nga profili im! Deri me tani jam treguar shume e vertete dhe ashtu do jem gjithnje! Faleminderit dhe Zoti ju bekofte!”, ishin fjalët e saj.
