Pak ditë më parë prezantuesja e ‘Portokalli’, Eneda Tarifa zbuloi se në sezonin e ri të spektaklit të humorit nuk do të ishte më prezent. Ajo shpjegoi arsyet me anë të një statusi në llogarinë e saj personale, duke lënën edhe vend për aludime dhe duke ngritur pikëpyetje për marrëdhëniet e saj me drejtuesit.
Ndërkaq, vetë Eneda ka vendosur që t’i japë fund thashetheme që po qarkullojnë në rrjet dhe të tregojë si qëndron e vërteta. Ajo ka qenë e ftuar mbrëmjen e djeshme në ‘Why Not’ ku foli gjerësisht lidhur me këtë temë.
“Kam nxjerrë një status para disa ditësh për largimin tim nga Portokallia sepse dua të merrem me gjërat që dua unë dhe me gjëra të cilat i prodhoj unë. Ka ardhur një kohë që duhet të japësh atë që merr dhe akumulon gjatë viteve. Mendoj se duhet ti përkushtohem pak më shumë këngës dhe e kam detyrim që ti përkushtoj këngës atë kohë të munguar që unë kam qenë midis televizionit dhe muzikës dhe gjithmonë më ka hyrë në mes televizioni. Unë duhet të pasuroj repertorin tim me këngë sepse ky është profesioni im dhe nuk do ta lija asnjë moment.
Meqënëse koha erdhi e tillë që nuk ka koncerte dhe aktivitete live të cilat të marrin kohë, të marrin orë nate dhe të lodhin prandaj është koha më e mirë për të prodhuar”, u shpreh ajo.
