Klientët e Sky Q, Sky X dhe Sky Ticket në Gjermani dhe Austri nga 25 janar do të kenë akses në përmbajtjen e Peacock.
Shërbimi streaming i NBCUniversal është tashmë i disponueshëm në tregun e Mbretërisë së Bashkuar ku u lançua nëntorin e kaluar. Katalogu përfshin Peacock Originals dhe seri klasike nga NBCUniversal.
“Pas debutimeve premtuese në MB dhe Irlandë në fund të vitit të kaluar, ne jemi të ngazëllyer për të zgjeruar shtrirjen ndërkombëtare të Peacock me lëshimin e tij në Sky në Gjermani dhe Austri”, tha Lee Raftery, Drejtor Menaxhues, Evropë, Lindje e Mesme dhe Afrikë, NBCUniversal. “Peacock u ofron klientëve të Sky një katalog të zgjeruar të përmbajtjeve të klasit botëror nga NBCUniversal, duke përfshirë shumë nga shfaqjet tona më të njohura, si dhe origjinale të reja emocionuese të Peacock”.
“Duke integruar Peacock në Sky Q dhe Sky Ticket, do të zgjerojmë më tej ofertën e fortë të argëtimit për të gjithë klientët tanë, duke u dhënë atyre akses në përmbajtjen më të mirë nga partneri ynë NBCUniversal. Me origjinalet ekskluzive të Peacock, realitetin dhe krimin e vërtetë dhe seritë klasike nga biblioteka, jemi shumë të entuziazmuar që ofrojmë Peacock për të gjithë klientët tanë të Sky Q dhe Sky Ticket”, shton Elke Walthelm, Zëvendës Presidente Ekzekutive e Përmbajtjeve në Sky Deutschland.
Linja pasqyron atë që është tashmë e disponueshme në MB, duke përfshirë Saved by the Bell, Rutherford Falls and Girls5eva plus Downton Abbe, Rutherford Falls and Heroes.
Më vonë, Peacock do të lançohet në platformat Sky në Zvicër dhe Itali, duke e bërë atë të disponueshëm për pothuajse 20 milionë klientë të Sky në botë.