Mes miqsh, familjarësh dhe fansa është përcjellë sot për në banesën e fundit Ergi Dini, djali 22 vjeçar i cili humbi mbrëmjen e së hënës jetën nga një aksident me motor në kryeqytet me një nga miqtë e tij.
Të shumta kanë qënë edhe ngushëllimet e kolegëve për fituesin e edicionit të tretë të X Factor, ku kanë përcjellë hidhërimin e tyre nëpërmjet rrjeteve sociale.
Po ashtu edhe në profilet e Ergit në mediat sociale, ngushëllimet e fansave të tij kanë qënë të panumërta. Madje shumë prej tyre ende nuk e besojnë, pasi vetëm pak orë para aksidentit ai kishte postuar një foto ku shfaqej në Romë. Udhëtim ky që do të ishte i fundit për të.
InfoMedia Albania shpreh gjithashtu ngushëllimet e thella dhe bashkohet me dhimbjen e familjarëve dhe miqëve në këto ditë të vështira për ta.
