Një konkurrent i ri i është bashkuar “Për’Puthen-it”.
Bëhet fjalë për Atdheun, djalin nga Kosova që prej vitesh ka jetuar në vende të ndryshme Evropiane. Tanimë ai është rikthyer në qytetin e lindjes, Gjakovë dhe po menaxhon një biznes të motrës. Atdheu tha se ka ardhur me qëllime të qarta në emisionin e dashurisë, ku synon të gjejë lumturinë e jetës. Ai tha se në Evropë ka punuar në ndërtim, e nuk e ka aspak problem të pranojë këtë fakt. 27-vjeçari nuk i kurseu komentet për vajzat.
Tea për të është një vajzë e ëmbël, e bukur dhe e sjellshme. Ana, një vajzë me zemër të madhe, duke iu referuar këtu gjestit që bëri duke prerë flokët, si një ndihmë për vajzat që vuajnë nga kanceri. Ana Kaurin, e cilësoi si “mistrece Berati”, duke shtuar se këtë shprehje e ka dëgjuar shpesh në Shqipëri. Nuk munguan komentet për Sindin dhe Melisën.
Sindi në sytë e Atdheut është një vajzë e thjeshtë dhe pa eksperienca me meshkujt. Ndërsa për Melisën tha se e pëlqen pasi i duket si “vajzë e skandaleve”.
