“Ai thjesht po qante”: fotografia e një mjeku me doreza dhe maskë duke përqafuar një pacient të moshuar në Ditën e Falënderimeve u bë virale, një simbol i dëshpërimit të viktimave Covid-19 dhe dhembshurisë së punonjësve të shëndetit. Fotoja u shkrep të enjten 25 nëntor, Dita e Falënderimeve në Shtetet e Bashkuara, në Spitalin United Memorial në Hjuston, Teksas, nga një fotograf nga agjencia Getty. “Unë jam në njësinë Covid dhe shoh këtë pacient të moshuar që ngrihet nga shtrati, duke u përpjekur të largohet, duke qarë,” tha të hënën Dr. Joseph Varon, kreu i njësisë së kujdesit intensiv në United Memorial. “Unë iu afrova dhe e pyeta: pse po qan? Ai u përgjigj: Unë dua të jem me gruan time. Kështu që e përqafova,” shpjegoi mjeku, duke thënë se ai nuk e kishte vërejtur që ai ishte fotografuar.
“Ai thjesht po qante dhe pas pak e mori veten dhe ndaloi së qari “, shtoi Dr. Varon i cili, në atë moment, ndjeu keqardhje për të” dhe ” u ndje po si ai shumë i trishtuar, “. Shtrimi në spital në një pavijon Covid është i vështirë, aq më tepër për pacientët e moshuar që ndihen vetëm, theksoi mjeku, dhe disa pacientë tashmë janë përpjekur të arratisen sepse “ata janë aq të izoluar, sa duan të largohen”. Pacienti është shumë më i mirë dhe mund të dalë nga spitali para fundit të javës, tha Dr. Varon. Mjeku, i cili punoi në njësinë ku shërben për 256 ditë pa asnjë ditë pushimi, shprehu zhgënjimin e tij për dështimin e Texans për të respektuar rregulloret shëndetësore./Corriere.it/
