“Presumed Innocent” është seriali më i ri me 8 episode që po shfaqet në Apple TV, i bazuar në romanin e famshëm me të njëjtin emër dhe në filmin legjendar të viteve ’90 me Harrison Ford. Ky serial i ri rikthen historinë e një prokurori të suksesshëm, i cili akuzohet për vrasjen e koleges së tij, me të cilën kishte një lidhje dashurie.
Kjo ngjarje trondit jo vetëm institucionin ku ai punon, por edhe gjithë qytetin, ndërsa zbulohen fakte private dhe profesionale që ngatërrojnë gjithçka. “Presumed Innocent” është një dramë gjyqësore e mbushur me elemente suspansë dhe përmban një kastë të shkëlqyer aktorësh, me Jake Gyllenhaal në rolin kryesor.
Ky serial është një zgjedhje e shkëlqyer për adhuruesit e dramave komplekse dhe tërheqëse. Nëse jeni në kërkim të diçkaje për të parë, “Presumed Innocent” është një opsion që nuk duhet humbur!
