Probleme me televotimin, “The Voice…” sqaron publikun

Deklaratë për shtyp drejtuar mediave nga produksioni i spekaklit “The Voice of Albania”
The Voice of Albania’ kërkon të sqarojë publikun, e sidomos personat që kanë votuar nga Kosova përgjatë natës së tretë live, se ky proces ka hasur anomali për shkak të një defekti teknik të operatorit telefonik IPKO. Ankesat e ardhura nga persona të cilët janë klientë të këtij operatori janë marrë shumë seriozisht nga ne.
Ju garantojmë se pas një monitorimi të thelluar teknik, procesi i votimit përgjatë natës së mbrëmshme sa i përket linjave të vendosura në dispozicion nga Top Channel kanë qenë funksionale përgjatë gjithë spektaklit. Çdo votë e ardhur nga operatorët e telefonisë në Shqipëri apo operatorë të tjerë në Kosovë, është regjistruar në sistem dhe ne ju falenderojmë për votat tuaja. Sa i përket klientëve të operatorit telefonik IPKO, shprehim keqardhje që për një pjesë të mbrëmjes nuk kanë mundur të mbështesin të preferuarit e tyre me anë të votimit.
Duke shpresuar në mirëkuptimin tuaj, dëshirojmë të theksojmë se ‘The Voice of Albania’ beson dhe përkrah talentin e artistëve që janë në garë pa diferencime. Besojmë se artistët votohen pikërisht prej talentit dhe emocionit që përcjellin tek ju e jo në bazë të kufijve. Janë ende në garë artistë nga Shqipëria, Kosova, Maqedonia e Italia. Dy artistet që përfunduan mbrëmë rrugëtimin e tyre në ‘The Voice’, Medina dhe Laureta u përballën për herë të parë me televotimin. Përpos anomalisë së operatorit telefonik, i cili mban përgjegjësi për këtë incident, votat për dy konkurrentët janë regjistruar nga pesë kompani të tjera telefonike.
Ju vëmë gjithashtu në dijeni se në raste të problemeve teknike të tilla nga e njëjta kompani, mund të telefoni në IPKO CallCenter pa pagesë përmes kodit *770# nga çdo numër IPKO +38649

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.