Edhe pas përfundimit të “Dancing With The Stars Albania”, zhurma për kompeticionin vazhdon.
Këtë herë është moderatorja e spektaklit, Almeda Abazi ajo që ka shprehu pakënaqësitë e saj ndaj produksionit.
“Sapo bëra check-out nga hoteli ku qëndrova për 3 muaj në Tiranë dhe për habinë timë pagova shpenzimet extra, pra ujin që kam pirë në minibar dhe laundry që kam larë rrobat, madje edhe hekurosjen e kostumit të Tolgës, i cili pa asnjë lloj interesi erdhi me shumë dëshirë dhe respektoi në maksimum stafin dhe produksionin e DwTSA duke lënë angazhimet e tij në Turqi”, – shkruan Almeda.
“Ajo që dua të them është që jo vetëm që Tolga nuk mori një mirëserdhe, por edhe ‘përcjellja’ që na bënë më la pa fjalë sepse gjëja me të cilën unë mburrem është pikërisht mikpritja shqiptare. Gjithsesi, theksoj se kjo nuk ka të bëjë me të gjithë shqiptarët”, – vazhdon me tej Abazi.
“Faleminderit produksioni i Dancing with The Stars! Tirana të dua”, – përfundon aktorja shqiptare. /Blitz.al/
