Ka ngjallur një debat publik në fakt, reagimi i papritur që emisioni satirik “Striscia la Notizia” i ka bërë gazetares së famshme italiane, Giovanna Botterit, duke e shënjestruar këtë të fundit për pamjen e shkujdesur, për flokët e ç’rregullta dhe bluzën e njëjtë me të cilën gazetarja shfaqet thuajse në çdo dalje publike.
Ajo që ndodhi në transmetimin e 28 prillit, në puntatën e “Striscia la Notizia”, në të cilën prezantuesja Michelle Hunzinker tallej me flokët e gazetares, e veçanërisht me veshjen e saj duke vënë në dyshim faktin nëse e lante ndonjëherë atë, ka bërë që Botteri të mos hesht.
Reagimi i saj është tipik i një njeriu që me shumë maturi dhe zgjuarsi i jep një “shuplakë” publike një formati si “Striscia la Notizia” dhe një fenomeni akut siç është ai i bullizimit që ndodh rëndom në shoqëritë në botë, e pre e së cilit bien jo vetëm njerëz të panjohur, por shumë shpesh edhe ata që gëzojnë statuse publike.
“Unë do të doja që e gjithë historia, përveç meje, të mund të ishte një moment diskutimi i vërtetë, më lejoni, madje edhe agresiv, për marrëdhënien me imazhin që gazetarët, veçanërisht gazetarët e televizionit, kanë ose duhet të kenë sipas dikujt. Këtu në Pekin jam punësua te BBC, i konsideruar një nga televizionet më të mirë dhe më të besueshëm në botë. Gazetarët e saj janë të rinj dhe të moshuar, të bardhë, me ngjyrë, të verdhë. Të bukur dhe të shëmtuar, elegantë dhe të bëshëm. Me rrudha, me të pasme, hundë e veshë të mëdhenj. Është dikush që del në ekran pa një pjesë të krahut. Dhe askush nuk thotë asgjë, në shtëpi ata thjesht dëgjojnë ato që thonë.
Sepse është e vetmja gjë që ka rëndësi, që ka rëndësi dhe pritet nga një gazetar. Do të dëshiroja që ne të gjithë të shtyhemi drejt një qëllimi, të paktën, si kjo. Për të zhveshur modelet të kota, anakronike që nuk janë më të drejta. Unë nuk do të doja që një ndërhyrje në historinë time të përfundojë duke i dhënë besueshmëri dhe seriozitet sulmeve idiote dhe jokonsistente që nuk e meritojnë atë. Në vend të kësaj do të isha e lumtur nëse do të ishte një justifikim për të diskutuar dhe për t’i bërë njerëzit të diskutojnë gjëra të rëndësishme për ne, dhe mbi të gjitha për gjeneratat e ardhshme të grave”, u shpreh Giovanna Botteri.
Po kush është gazetarja e famshme italiane Botteri?
Ajo ka lindur më 14 qershor 1957 në Trieste, gazetarja është vajza e ish-drejtorit të Rai-t në Trieste, Guido Botteri. Nga babai i saj ajo trashëgoi pasionin për gazetarinë. Pas diplomimit për Filozofi në Universitetin e Triestes, ajo investoi edhe në studime të mëtejshme, pikërisht një doktoraturë në profilin e Historisë së kinemasë në Universitetin e Sorbonnes në Paris. Gjatë gjysmës së parë të viteve 1980, ajo filloi të bëhej e njohur në botën e gazetarisë, duke shkruar për disa gazeta lokale. Në 1985 ajo u bashkua me Rai-n, ku bashkëpunoi me Michele Santoron. Tre vjet më vonë ajo u pozicionua në redaksinë e huaj të TG3. Brenda disa viteve ajo është bërë një nga korrespodentet kryesore speciale, falë shërbimeve të saj nga vendet si Bosnja, Algjeria, Afrika e Jugut, Irani, Shqipëria, Kosova, Afganistani dhe Iraku. Në vitin 2006 ajo u transferua në NewYork për të plotësuar rolin e korrespodentes nga Shtetet e Bashkuara. Që nga gushti 2019-ës, ajo po jeton në Kinë, ku punon si korrespodente nga Pekini, për kanalin e Rai-t. Gazetarja e ka mbajtur gjithmonë jetën e saj private larg vëmendjes mediatike dhe nuk ka asnjë profil në rrjetet sociale. Ajo ka qenë e martuar me Lanfranco Pacen, një gazetar britanik. Çifti ka një vajzë, Sarah Ginevra Paci, menaxhere për një kompani të rëndësishme italiane.
