Top Channel dhe këtë vit ka zgjedhur të ketë një programacion të pasur me plot humor. Jemi mësuar që shpesh mbrëmjet e fundvitit ti kalojmë përpara “Portokalli” e cila zgjat deri natën vonë që dhe këtë herë nuk do të mungojë përpara tryezës së fundvitit.
Në orën 17.00 pasditja festive do të kalohet me Bieta Sulon në “Ftesë Në 5-ë”.
Ndërkaq pas Bietës, menjëherë do të shfaqet “PërPuthen”. Në orën 19.30 do të shfaqet edicioni i fundit informativ të lajmeve për këtë edicion ku gjithashtu do të shpallet dhe “Personazhi i Vitit” nga Top Channel.
Në orën 20.15 Fiks Fare do të vijë me një format festiv, ku me shumë gjasa ashtu si dhe vitet e kaluara do të bëjë një përmbledhje të rasteve më të mira.
Mbrëmja, ajo që besojmë po prisni të gjithë. Në orën 21.00 do të vijë “Portokalli” e cila do të zgjasë deri rreth orës 04.30 në mëngjes. Ritransmetimi i spektaklit do të bëhet sërish në orën 09.30 në mëngjes.
Trupa e Portokalli do të ofrojë një larmishmëri e cila përveç humorit do të shoqërohet me balet dhe muzikë të përzgjedhur.
InfoMedia Albania
