Një rrëmujë e vërtetë! Vetëm kështu mund të përshkruhen ngjarjet e fundit, midis konkurentëve të “Përputhen”.
Pasi Tea dhe Bearti bënë publike lidhjen e tyre, u shtuan zërat se Melisa dhe Andi mund të kenë vërtetë një marrëdhënie bashkë. Ka kohë që përflitet për një lidhje mes dyshes, edhe pse derimëtani ata kanë përgënjeshtruar gjithçka. Ish-konkurentja, Shqipe Hysenaj deklaroi që Melisa dhe Andi janë bashkë, ndërkohë që diçka të tillë nënkuptoi edhe Fatjoni, kur deklaroi në emision që Melisa është “në një marrëdhënie intime me një djalë”.
Një foto e fundit, e publikuar në rrjetet sociale i ka shtuar dyshimet e fansave. Melisa dhe Andi shfaqen të qetë dhe buzëqeshur bashkë, larg kamerave dhe ambjenteve të Top- Channel.
Kjo foto është shkëputur nga një video që qarkullon në youtube, ku në fakt të gjithë konkurentët janë duke darkuar bashkë. Mesa duket, qarkullimi i kësaj fotoje është vetëm një përpjekje për t’i hedhur më shumë benzinë zjarrit.
