Pas zgjedhjeve në SHBA, Trump dhe avokatët e tij hodhën akuza për kompaninë e softuerëve elektoralë “Dominion Votings Sistem” për faktin se kishin manipuluar makineritë e përdorura për të votuar në zgjedhjet presidenciale në 27 shtete amerikane.
Këto akuza, pa provë, u publikuan nga Fox Neës për të këmbëngulur se ishte Trump fituesi i vërtetë i zgjedhjeve dhe jo Biden.
Për këtë, Dominion, vendosi të kërkojë dëmshpërblim për akuzat nga rrjeti televiziv konservator i Rupert Murdok, që mbështet hapur ish presidentin amerikan. Kompania e ka hedhur në gjyq rrjetin televiziv për shpifje dhe kërkon një dëmshpërblim prej 2.7 miliard dollarësh.
Ndërkohë, drejtuesit e rrjetit televiziv reaguan duke thënë se i kanë mbuluar zgjedhjet presidenciale në mënyrë shembullore dhe ishin krenarë për punën e tyre. Ata premtuan se do të mbrohen nga kjo akuzë e pabazuar.
Por kompania Dominion ka hedhur në gjyq ndërkohë dhe kërkon 1.3 miliard dëmshpërblim dhe nga avokatët e Trump: Rudi Giuliani dhe Sidney Paëell. Kjo e fundit ishte e para që prezantoi teorinë e komplotit venezuelian.
Lidhur me këtë situatë, Trump vijon të mbrojë teoritë e tij dhe të këmbëngulë në të vërtetën e tij alternative pikërisht në rrjetin televiziv Fox Neës. Ai theksoi se gjatë sulmit të kongresit në 6 janar i shkaktuar nga akuzat e tij për manipulimin e zgjedhjeve nuk kishte pasur asnjë rrezik për kongresmenët dhe forcat e rendit.
