Duke filluar nga sot Rai ka lëshuar online portalin e saj te informacionit. RAINEWS.IT është një website i pasur me informacionet në kohë reale, rubrikat, kronikat e dedikuara dhe specialet. Bëhet fjalë për një website inovativ, i bazur tek imazhet, videot, lidhjet direkte.
Tre kanale live stream bëjne të mundur ndjekjen e ngjarjeve më të rëndësishme të ditës, ndërsa me rubrikat e dedikuara dhe galerise video do të mund të ndiqet programi më i zgjedhur i Rai.
Cdo ditë falë blog-ut përdoruesit do të kenë mundësinë të diskutojnë mbi tematikat aktuale, duke u bërë pjesë aktive e portalit,
Rainews.it është një website i krijuar për përdoruesin duke i dhënë mundësinë e personalizimit të faqes me informacionet e dëshiruara dhe gjithmonë në rritje falë edhe këshillave të tij.
Ndërkohe, tregu mediatik shqiptar përsa i perket portaleve dhe qasjes me mundësine që ofron interneti vazhdon të mbetet akoma mbrapa. Vetem disa nga televizionet tona zotërojnë një webfaqe online, por që lënë për të dëshiruar përsa i përket permbajtjes që ato ofrojnë. Këtu mund të përmendim mbi të gjitha website-in e RTSH që paraqet mangësi të theksuar në përmbajtje dhe azhornohet rallë, për mos thenë, gati asnjëherë. Nga ana tjetër webite më i klikuar është ai i Top Channel që akoma mund të përmirësohet, por që për momentin mund t’a cilësojme si portalin më te mirë në vend. Nje tjetër media si Vizion Plus së fundmi po ofron një portal vërtetë të pëlqyeshëm grafikisht dhe në përmbajtje. Televizioni Klan edhe pse bëri disa ndryshime të vogla në grafikë mbetet akoma një website klasik grafikisht dhe pak tërheqës.
Nëse edhe ju keni mendime të tjera për këtë temë ju ftojmë të lini mendimin tuaj nëpermjet një komenti.
