Gazetari dhe spikeri i lajmeve Reis Çiço i njohur edhe për pasionin e tij për sportin dhe në veçanti futbollin ka vendosur ti përkushtohet 360° sportit nëpërmjet gazetarisë së shkruar online me një website që merr emër nga emri i tij.
Drejtuesi i rubrikës sportive dedikuar Champions League në TV Klan është botues i ReiSport.al, faqja më e re ku do të gjeni informacione nga kampionatet më të bukura europiane, deklerata e qëndrime të yjeve të futbollit, trajnerëve dhe aktorëve të tjerë të rëndësishem të këtij sporti magjik. Merkato do të jetë një rubrike e rëndesishme për tu njohur me lëvizjet e lojtarëve e trajnëreve, në funksion të forcimit të skuadrave. Gjithashtu të gjithë ata që bastojnë, do të kenë një dritare ku do të gjejnë sugjerime të vlefshme në këtë drejtim.
Mediat online kohët e fundit po njohin mjaft popullaritet në Shqipëri, duke u bërë burimi kryesor i informacionit për lexuesit. Ne i urojmë suksese Reit dhe miqëve të tij në aventurën e tyre të re mediatike!