Teksa Kategoria Superiore vijon bojkotin, Federata Shqiptare e Futbollit ka lajmëruar se këtë fundjavë do të nisë edicioni i ri futbollistik 2020/2021 në Kategorinë e Parë, Kategorinë e Dytë dhe në të gjitha nivelet e moshave.
Nëpërmjet një njoftimi zyrtar, FSHF bën me dije se Sektori i Garave i ka nisur njoftimet klubeve dhe po kryen përgatitjen e nevojshme për këtë rifillim.
Ndërkohë, sa i përket Kategorisë Superiore, ashtu siç është njoftuar edhe nga Liga Profesioniste e Futbollit, vendimi do të merret në mbledhjen që presidentët e klubeve do të zhvillojnë sipas programit më 30 nëntor.