Rikthehet sonte “Apartamenti 2XL” në Vizion Plus | VIDEO

Ashtu si ju informuam ekskluzivisht disa ditë më parë sonte do të rikthehet në ekranin e Vizion Plus spektakli i humorit Apartamenti 2XL. Format unik me protagonistë aktorët Julian Deda dhe Albano Bogdo, bazuar tek batutat dhe improvizimet e momentit është gati për debutin e sezonit të ri.

Edhe këtë vit në cast-in do të kemi pjesëmarrjen e aktorëve të tjerë Visjan Ukcenaj, Eglein Laknori, Esmeralda Metka etj. Tashmë jemi njohur me formatin televiziv ku aktorët nuk kanë një skenar të parashikruar dhe ku vetmja gjë që ata njohin mirë është pikënisja e historisë, dhe gjithçka vjen më pas është improvizimi dhe humori i paparashikuar. I gjithë spektakli zhvillohet brenda një apartamenti të improvizuar ku banorët e tij presin e percjellin miq të ftuar që i përshtaten situatave të ndryshme që do vihen në skenë. Aktorët dhe të ftuarit veprojnë sipas “urdhrave” të dhenë nga moderatori.

Ky edicion i Apartamenti 2XL do të transmetohet duke filluar që mbrëmjen e sotme 2 Tetor dhe do të ketë gjithsej 14 episode, prej të cilëve një “Best Of”. Takimi do të jetë çdo të martë, ora 20:45 në Vizion Plus./IMA/

 

REKLAMA
loading...

KOMENTO

This site uses Akismet to reduce spam. Learn how your comment data is processed.