Pas sukseseve të sezoneve të kaluara, rikthehet një ndër talent show-t më të suksesshëm në botë, në versionin e tij shqiptar, “X Factor Albania” në edicionin e tij të katërt në ekranin e Televizionit Kombëtar Klan.
Si gjithmonë nën prezantimin e show girl Alketa Vejsiu dhe regji të Vera Grbockës, edhe këtë edicion ky talent show synon të përzgjedh talentin “X” të shqiptarëve në muzikë. Tashmë kanë filluar përgatitjet intensive për të startuar dhe mendohet që do të rikthehet duke filluar nga 18 janari 2015. Data nuk është zyrtare pasi gjithmonë sipas burimeve jo të konfirmuara mendohet se kësaj radhe spektakli do të vijë çdo të hënë, ndryshe nga vitet e kaluara të dielave. Netët LIVE të këtij edicioni do të mbahen në një skenë të re, e cila do të ideohet sërish nga fillimi, si gjithmonë e një cilësie super të lartë high tech. Ditën e sotme mbyllet suksesshëm edicioni i parë i “Dance With Me”, për të vazhduar pastaj menjëherë me fazat e radhës së “X Factor Albania”.
IMA / S. Dema
