Në një rikthim të shumëpritur në ekranin e Rai 1, prezantuesja e njohur shqiptare, Alketa Vejsiu, ishte e ftuara speciale e Antonella Clerici në emisionin popullor italian “È Sempre Mezzogiorno”. Kjo pjesëmarrje vjen si një hap i rëndësishëm në karrierën e Vejsiut, duke e vënë atë në qendër të vëmendjes së audiencës italiane, pas suksesit që ajo arriti me pjesëmarrjen në Sanremo 2020.
Alketa Vejsiu, e njohur për talentin dhe karizmën e saj në ekran, ndau sot një pjesë nga jeta e saj me Antonella Clerici, një nga figurat më të dashura dhe të respektuara në televizionin italian. Bashkëbisedimi mes tyre u përqëndrua në momente interesante, duke përfshirë diskutime rreth karrierës së Vejsiut, projekteve të saj të ardhshme dhe përvojave të ndryshme në botën e televizionit.
Emisioni “È Sempre Mezzogiorno”, i cili transmetohet çdo ditë në Rai 1, është një kombinim i gatimit, argëtimit dhe bisedave me mysafirë të ndryshëm. Prania e Alketa Vejsiut në këtë platformë është një rast i shkëlqyer për të promovuar kulturën dhe talentet shqiptare në Itali.
