Prej ditësh mediat kanë komentuar një foto të shkrepur nga gazetarët e “Prive” të dy moderatoreve të emisionit “Thumb” Aulona Musta dhe Fatma Haxhialiu dhe këngëtares Rovena Stefa. Vite më parë ato kanë zhvilluar një debat i cili bëri shumë bujë në media në atë kohë dhe ballafaqimi pas kaq kohësh u komentua si një tjetër përballje. Gjithçka ka nisur pasi vajzat “thumbuan” Rovenën për skenat e saj në klipin “Malli” .
Situata mes Aulonës, Fatmës dhe Rovenës kaloi deri në një padi gjyqësore edhe pse çështja u mbyll shumë shpejt me tërheqjen e këngëtares. Por si qëndron e vërteta pas këtij takimi?
Fatma, Aulona dhe Rovena Stefa kanë vendosur që gjithë konfliktin e viteve më parë ta sqarojnë publikisht në “Thumb”, ditën e shtunë në orën 18:00 në ABC News. Rovena Stefa do të jetë e ftuara e parë e dy moderatoreve në studio për sezonin e ri.
Vajzat kanë zhvilluar një intervistë ndryshe me Rovenën dhe gjithçka ka shkuar në mënyrën më të mirë të mundshme. Thumbat ndaj Rovenës nuk mund të mungonin kurrsesi. Për të zbuluar gjithçka ka ndodhur mes tre protagonisteve nuk na mbetet gjë tjetër veçse të presim transmetimin e emisionit ditën e shtunë në orën 18:00 në ABC News./Blitz.al/
