Këngëtari Valon Shehu është një ndër konkurrentët e spektaklit të kërcimit “Dance Albania”.
Në puntatën e kaluar, gjatë preformancës së këngëtarit ndodhi një incident i papritur me partneren e tij.
Valoni i frikësoi për një moment anëtarët e jurisë kur vunë re momentin i cili ishte shumë i rrezikshëm. Gjatë performancës, artisti nga Gjakova humbi baraspeshën dhe për pak sa nuk rrezikoi jetën e balerinës e cila ishte ndjerë gjithashtu e frikësuar.
Përgjatë klipit çifti po komentonin incidentin e ndodhur dhe partnerja e Valonit u shpreh se ishte nëqoftëse do të rrëzohej do të kishte qenë fatale për të pasi mund të rrezikonte të thyente shtyllën kurrizore.
“Rrezikova të thyeja shtyllën kurrizore. Në atë moment thjesht mendova që rashë. Do të ishte shumë fatale për mua, nuk dua ta mendoj”, theksoi balerina.
Ilir Shaqiri e vlerësoi Valonin si një “partner të mirë, por të rrezikshëm”.
Sipas artistit, incidenti ndodhi pasi ai nuk ishte në formën më të mirë të tijën kjo për faktin pasi kishte konsumuar alkool.
“Ndodhi se nuk isha në formën më të mirë timen. Ndoshta edhe alkooli pak që kam pirë një gotë dy. Mendoj se ka qenë moskorrektësia ime”, u shpreh ai.
