Këto festa në RTSH1 nuk do dini çfarë të ndiqni më parë.
Urimi i bardhë, spektakli i madh Vitit të Ri është dhurata më e bukur për ju dhe familjen tuaj, për të mbyllur këtë vit sfidues për të gjithë, me shpresë dhe gëzim.
(31 dhjetor, ora 20:40)
Viti i ri troket hareshëm, me Koncertin e madh të Vjenës, i cili vjen me një surprizë për të gjithë adhuruesit e tij.
(1 janar, ora 11:15)
“Do e kuptosh kur të rritesh”, një stand up comedy brilante nga Mariana Kondi vjen për ju mbrëmjen e 1 janarit.
(1 janar, ora 20:00)
Zemrat e Tironës do të rrahin më fort, me recitalin “Tirona e Artjolës”, dedikuar gjithë adhuruesve të muzikës popullore.
(1 janar, 21:15)
Muzika vazhdon… me një emër të njohur të skenës shqiptare: Vikena Kamenica! “Nur i bukur të ka ra”, një koncert ku shpirti i nxehtë i Shqipërisë së Mesme latohet ëmbël nga ritmet jazz.
(2 janar, 20:30)
Për gjithë adhuruesit e sportit, RTSH Sport vjen me edicionin e dytë të spektaklit “Më të mirët e vitit”.
(3 janar 20:35)
Por festa nuk ndalet në RTSH1… Një paketë fantastike me filma premierë, shqiptarë e të huaj do ju shoqërojnë gjatë gjithë ditëve festive, duke jua sjellë kinemanë në strehën e ngrohtë të shtëpisë.
