Për herë të parë Televizioni Shqiptar ka një raport shkencor mbi Cilësinë e Ofertës Televizive dhe Reputacionin e tij. Monitorimi është kryer nga Departamenti i Gazetarisë dhe Komunikimit në Universitetin e Tiranës, me drejtues shkencorë dy profesorët e gazetarisë, Artan Fuga dhe Mark Marku. Ai ishte pjesë e një marrëveshjeje të nënshkruar me Drejtorine e Përgjithshme e Radio-Televizionit Shqiptar, dhe përfshinte periudhën nga 1 janari deri në 31 mars të vitit 2016.
Nga intervistimi i 861 vetëve në gjithë territorin kombëtar rezulton se 31% e tyre e ndjekin përditë TVSH, 49% e ndjekin 2-3 herë në javë, 9% e tyre 2-3 herë në muaj, ndërsa 11% e tyre nuk e ndjekin asnjëherë.
Në programet më të ndjekura në vend të parë renditet edicioni i lajmeve me 71% të shikueshmërisë, e teleshikuesit e tij janë më tepër moshat e rritura se sa ato të reja. Në vend të dytë renditet Festivali i Këngës në RTSH me 65%, emisioni Trupi dhe Shëndeti në vend të tretë me 61% apo Filmat shqiptarë para viteve 90 me 51% e me radhë.
Marrë nga RTSH
