Gati 13 vite më parë RTSH do të realizonte të parin produksion serial të zhanrit telenovelë. Gjatë sezonit veror RTSH do të ripropozojë 20 seritë e nga e marta në të premte, ora 12.00.
“Njerëz dhe fate” është telenovela e parë shqiptare, që u xhirua gjatë viteve 2002-2003. Një risi e viteve ’00 që pati një impakt të fortë tek publiku shqiptar, jo vetëm si telenovela e parë që prodhohej në vend por edhe për temat që prekte, një pasqyrimi i realitetit shqiptar të atyre viteve. Një staf i përzgjedhur e mbase më i miri që mund të gjendej në ambientet e Televizionit Publik do të realizonin një produksion që do të shënohet në historinë e televizionit shqiptar. Regjia e serialit i’u besua Ylli Pepos, skenari dramaturgut Ruzhdi Pulaha, ndërsa drejtor fotografie Astrit Omeri. Ndërkaq suksesi i telenovelës nuk do të ishte i garantuar pa trupën e aktorëve të njohur si Natasha Sela, Robert Ndrenika, Medi Malkaj, Marjeta Ljarja etj. por edhe aktorëve të rinj të cilët u grupuan në të ashtuquajturin brez i dytë aktorësh si Arben Derhemi, Valbona Imami, Eni Jani dhe aktorja zbulim nga Kosova Arta Muçaj. Telenovela pati gjithsej 20 seri, por u ndërpre për arsye të fondeve. Skenari parashikonte edhe 20 seri të tjera që nuk u realizuan kurrë. Në atë kohë u fol madje se i ndjeri Dritan Hoxha, Presidenti i Top Channel u interesua pë realizimin e tyre. Megjithatë suksesi i telenovelës bëri që këmbëngulja e stafit për t’i dhënë vazhdimësi të realizoheshin dy filma si spin-off Ishte koha për dashuri (2004) dhe Letra Fatale (2005).
Stafi i produksionit.
Regjisor : Ylli Pepo
Skenari : Ruzhdi Pulaha
Aktorët
Robert Ndrenika
Pavlina Mani
Eni Jani
Valbona Imami
Arben Derhemi
Arta Muçaj
Natasha Sela
Medi Malkaj
Marjeta Ljarja
Rozana Radi
Alfred Trebicka
Valentina Kita
Lulëzim Zeqja
Gezim Rudi
https://www.youtube.com/watch?v=gmCs-m1vy2I
