Duke parë mungesën e madhe të nevojës në treg për dekoderat digjital DVB-T2, Televizioni Publik Shqiptar do të vijë me dekoderat e vetë ekskluziv të cilat do të shpërndahen me çmim të arsyeshëm.
Ditën e sotme (17/11/2017), Televizioni Shqiptar ka bërë shpalljen e ofertës për bizneset e interesuara, të cilët do të ofrojnë një dekoder të branduar veçanërisht për televizionin publik.
Kompanitë e interesuara për të bashkëpunuar duhet të ofrojnë sa më poshtë:
- Blerjen e dekoderave të tipit DVB-T2 me financim 100 % të kompanisë;
- Tregtimin e këtyre dekoderave nëpërmjet rrjetit të saj të shitjes;
- Garantimin e një sasie të konsiderueshme dekoderash në treg;
- Çmim konkurrencial në treg për të ruajtur interesin e konsumatorit, duke garantuar njëkohësisht edhe shitjen e dekoderit.
- Jo më pak se 5 përqind mbi çmimin e shitjes (pa TVSH) të dekoderit për RTSH.
- Dekoderi DVB-T2 të jetë i personalizuar për RTSH, si në funksione, ashtu edhe ne dizajn.
- Logo me produktin (brandin) e ri DVB-T2 qe RTSH mund te krijoje, logon e re, apo te dyja bashkë të jetë në:
- Aparatin Digjital Tokësor; Telekomandë; Manual; Kuti, apo paketim.
- Manuali, kutia dhe Programi Kompjuterik të jetë në gjuhën shqipe (by default, në rast se ka gjuhë të tjera).
- Të bëjë kërkim automatik dhe të listojë kanalet sipas LCN.
- Të ndizet në LCN=1 RTSH 1 HD (opsionale).
- Të ketë ekran për të parë numrin e kanalit në Aparat.
- Të ketë një portë USB për të rregjistruar kanalet DVB-T2, apo për të luajtur materiale multimediale.
- Të ketë opsion që të listojë vetëm kanalet e lira, meqenëse i dedikohet shikuesve pa pagesë.
- Të jetë HD, MPEG-4, sipas parametrave të përcaktuar në VKM nr.480, datë 03.06.2015.
Oferta
Në këmbim, RTSH do të ofrojë sa më poshtë:
- Ekskluzivitetin për përdorimin e logos së RTSH-së në këto dekodera, sipas marrëveshjes që mund të nënshkruhet për këtë qëllim;
- Publicitet ekskluziv të dekorderit me logon e RTSH-së në hapësirat reklamuese në rrjetin e RTSH-së, si dhe në njoftimet që realizon vetë RTSH mbi procesin e digjitalizimit;
- Ndihmë teknike falas nga stafi i RTSH-së për kompaninë, duke patur parasysh që në zona të caktuara të vendit mund të ketë probleme me sinjalin, apo probleme të tjera teknike, me qëllimin e mirë për të pajisur me dekoder të tipit DVB-T2 çdo familje shqiptare edhe në zonat më të largëta;
- Informacion mbi hapat e procesit të digjitalizimit dhe të fikjes përfundimtare të transmetimeve analoge në allotmentet e caktuara me qëllim optimizimin e shpërndarjes së dekoderave në të gjithë territorin e vendit;
- Përdorimin e një marke (brand) të përcaktuar nga kompania dhe të miratuar nga RTSH.
Dokumentat
Kompanitë e interesuara duhet te paraqesin:
- CV e kompanisë.
- Ofertën e tyre.
- Ekstrakti i QKB-së.
Afati i shprehjes së interesit
Dokumentat e kërkuara duhet të paraqiten deri në 30 nëntor 2017, ora 16:00.
RTSH po vijon punën e saj kolosale për kalimin e transmetimeve nga analogu në digjital. Ku pas përfundimit të procesit, askush nuk mund të marri sinjal televiziv linear tokësor nëqotëse televizorët e tyre nuk e suportojnë teknologjinë DVB-T2./IMA/
Jeni te gjithe hajduta keni goditur gjthe shtresen e varfer me keto veprime