Ditën e martë, më 15 Janar 2019, do të jetë dita zyrtare dhe e fundit për fikjen e sinjalit analog në rrethin e Tiranës dhe Durrësit në kuadër të procesit të digjitalizimit të transmetimeve televizive në Shqipëri.
Më parë, në muajin 10 Shtator 2018 Autoriteti i Mediave Audiovizive me një njoftim të dhënë prej kohësh fiku transmetimet gjë e cila i gjeti qytetarët të papërgatitur dhe si pasojë duke krijuar rradhë tepër të gjata në dyqanet që disponojnë dekoderat DVB-T2 që mundësojnë marrjen e sinjalit televiziv sipas teknologjisë, por edhe një “black out” televiziv. Kjo gjë solli edhe rikthimin e ndezjes së antenave televizive vetëm një ditë pas fikjes si pasojë e debateve që shkaktoi në opinionin publik, por edhe në vetë këshillin e AMA.
Të gjithë qytetarët që disponojnë televiziora të prodhimeve të vjetra, por edhe televizorëve LED që nuk kanë teknologjinë DVB-T2 të inkorporuar, duhet të pajisen me dekoderat DVB-T2 për marrjen e sinjalit televiziv.
Tashmë dekoderat janë të disponueshëm pothuajse në të gjitha dyqanet që ofrojnë shërbime elektronike, por edhe në ambientet e Postës Shqiptare që janë të pajisura me dekodera të prodhuar nga RadioTelevizioni Shqiptar.
Kompanitë Tring dhe Digitalb kanë vënë në dispozicion dekoderat e tyre DVB-T2 të cilët janë të pajisur edhe me modulat “conax”, që mundëson në varësi të pagesës përmes kartave Smart, ndjekjen e shërbimeve të transmetimeve me pagesë.
Ndërkohë të gjithë dekoderat DVB-T2 pa prejashtim mundësojnë ndjekjen e kanaleve falas, duke përfshirë paketën digjitale të RTSH, TV Klan si edhe kanalet Top Channel, News 24, Fax News, Report TV, A2 CNN etj.
Gjatë këtyre ditëve, autoriteti zbatues do të informojë edhe për orën e fikjes së sinjalit analog./IMAlbania.com/
