Muaji gusht vjen me surpriza në ekranin e Top Channel. Serialet më të kërkuar nga publiku dhe më të ndjekurit në Netflix do të transmetohen përgjatë gjithë muajit gusht në ekranin e Top Channel.
Me historitë e familjeve miliardere, korrupsionit, bandat e Birminganit, historinë e organizatës kriminale napolitane “Kamorra” apo atë rreth jetës dhe punës së oficerit të Sherbimeve të Inteligjencës Sovjetike Richard Sorge në Japoni, ky muaj do t’ju mbërthejë para ekranit.
Serialet si Dinastia, Riviera, Peaky Blinders, Dëmet, Gomorrah, Baroni i Zi dhe Sorge do të bëjnë që ky muaj i nxehtë të kalojë pa u ndjerë.
Nga e marta deri të shtunën çdo ditë në orën 12:30 do jetë në transmetim seriali Dinasti, historia e Fallon dhe familjeve miliardere amerikane Carringtons dhe Colbys, dhe përplasja e fëmijëve të tyre për pasuritë maramendëse kanë tërhequr shumë shikues në këtë realizim të ri të serialit amerikan.
Ndërsa nga e hëna në të premte në orën 17:00 do transmetohet filmi Serial “Riviera”, me krijues skenaristin fitues te cmimit Oscar, Neil Jordan, është një thriller intoksikues, i vendosur në botën e errët e të rrezikshme të ultra të pasurve. Është paraja që të çojnë drejt korrupsionit apo është korrupsioni që të bën të pasur?
Nga e hëna në të shtunën në orën 20 do keni mundësi të shikoni serialin e bandës më të famshme britanike, PEAKY BLINDERS. Ata sundojnë rrugët dhe se ka ardhur koha të bëjnë vërtet para…Se ndonëse krimi paguan mirë biznesi paguan edhe më mirë. Filmi serial “Peaky Blinders – Banda e Birmingamit”, seriali hit i BBC-se dhe Netflix, është një dramë epike bandash vendosur në rrugët e Birmingamit në vitet 1920, kur ligji nuk funksiononte.
Nga e hëna në të premte në orën 21:00 do ndiqni serialin, DEMET, Fitues i Çmimeve Golden Globe, Primetime Emmy Dhe 15 Cmimeve të tjera Ndërkombëtare, si dhe nominuar për 76 çmime të tjera ndërkombëtare.
Seriali RREGULLAT E LOJES, do jetë në transmetim nga e hëna në të enjtë në orën 23. Sagën e kamoristëve italianë, GOMORRAH do e ndiqni çdo të shtunë në orën 21:00. Ky film është mbështetur në librin e shumëshitur në botë të Roberto Savianos. Historia e brendshme epike e organizatës kriminale napolitane “Kamorra”…
BARONI I ZI seriali francez që tregon botën e politikës europiane do ta ndiqni çdo të dielë në orën 17.30.
Spiuni i famshëm SORGE transmetohet të dielën në orën 21 ndërsa ritransmetohet të Hënën, në orën 12:30.
Filmi serial “Sorge – Spiuni i madh” është rreth jetës dhe punës së oficerit të Sherbimeve të Inteligjencës Sovjetike Richard Sorge në Japoni në prag dhe gjatë luftës së dytë botërore në Japoni.
