Gjatë ditës së sotme në portale të ndryshme ka qarkulluar lajmi i një sherri mes regjisores Vera Grabocka dhe këngëtares Fjolla Morina.
Fillimisht u fol për një debat i cili ka përfunduar deri në dhunë fizike nga ana e regjisores Grabocka.
Sipas mediave në nerva e sipër Vera i është afruar dhe i ka shkulur flokët Fjollës.
Ky debat është konfirmuar dhe nga burime të “Dance ëith Me” por theksojnë se ka ndodhur disa javë më parë dhe tashmë gjithçka është sheshuar mes protaginistëve.
Sipas të njëjtave burime shkak për zënkën janë bërë debatet lidhur me emisionin çka kanë acaruar regjisoren duke e bërë të ngre dorën ndaj këngëtares, e cila nuk ka reaguar.
Pjesë e sherrit është bërë edhe mastershefi Renato Mekolli, i cili është shprehur se Vera nuk mund t’i trajtojë kështu njerëzit, duke theksuar se nëse diçka e tillë do të ndodhte me të ai do të braktiste programin.
Por mesa duket produksioni ka arritur t’a mbajë të fshehtë të gjithë këtë ndodhi, e cila është sheshuar duke vijuar normalisht marrëdhënien mes tyre dhe ecurinë e spektaklit.
