Në emisionet televizive shqiptare jo rrallë herë hasemi me shkelje të etikës. Një nga emisionet e fundit që ka rënë në shënjestrën e monitorimit të AMA ka qenë Why Not? i Roza Lati.
Autoriteti i Mediave Audiovizive ka marrë vendime për identifikimin e shkeljeve të etikës në emisione të ndryshme që shfaqen në ekranet shqiptare.
Një prej emisioneve të gjobitura është “Why Not” Roza Latit, teksa në puntatën e fundit futi në skenë disa balerina striptiste që performuan gati komplet të zhveshura.
Gjatë kërcimit të tyre, këngëtari Majk u preku të pasmet dhe ndërkohë kjo skenë mori kritika të shumta në publik.
NJOFTIMI I AMA:
Nga procesi i monitorimit sistematik të përmbajtjeve të transmetuara, bazuar në ligjin nr. 97/2013 “Për mediat audiovizive në Republikën e Shqipërisë”, i ndryshuar, apo dhe nga shqyrtimi i ankesave që kanë mbëritur në institucion, AMA ka identifikuar së fundmi dhe raste të shkeljeve etike në programe.
Çdo rast është shqyrtuar në referencë me kërkesat e ligjit dhe të Kodit të Transmetimit dhe AMA ka qenë në komunikim me OSHMA-të për problematikat e vërejtuara.
Për Autoritetin liria e veprimtarisë audiovizive dhe hartimi i katalogëve të larmishëm programorë, nuk ka lidhje me përmbajtje të papërshtatshme, që cënojnë dhe dinjitetin e pjesmarrësve në emisione si dhe të ndjekësve.
Në ligjin nr. 97/2013, nenin 33, ku flitet për detyrimet e OSHMA-ve, mes të tjerave dhe që duhet “të mos cenojë dinjitetin dhe të drejtat themelore të njeriut”, apo “të respektojë rregullat e etikës dhe moralit publik…”.
Gjithashtu në Kodin e Transmetimit është përcaktuar se: “transmetimet audovizive respektojnë personalitetin, dinjitetin dhe të drejtat e liritë e tjera themelore të njeriut”, (pika 1.3) dhe “veprimtaria e transmetimeve audiovizive respekton normat morale dhe etike të shoqërisë, si dhe kërkesat e deontologjisë së profesionit të gazetarit”, (pika 1.6).
AMA do të vijojë monitorimin, si dhe do të shqyrtojë çdo ankesë mbi përmbajtjet që nuk respektojnë kërkesat ligjore në fuqi, duke mbetur në komunikim me OSHMA, për të ndjekur çdo rast të identifikuar.
AUTORITETI I MEDIAVE AUDIOVIZIVE
