Show dhe argëtimi triumfon ndaj politikës, “Tu si que vales” programi më i ndjekur i të enjtes në prime time

Mbrëmja e djeshme është cilësuar si një nga “betejat” televizive më të forta të këtij fund sezoni. E ndarë midis politikës të ofruar nga tre kanale kryesore dhe spektaklit të Tu si que Vales publiku shqiptar ka përzgjedhur këtë herë argëtimin, duke lënë pas premtimet dhe debatin e rëndomtë të kryesuar nga liderët e tre partive kryesore në vend.

Kështu bazuar në dhënat e Telemetrix, në fashën orare të prime time, programi “Tu si que Vales” ka rezultuar si më i ndjekuri të enjten në mbrëmje me një share 29.1 përgjatë gjithë spektaklit.

auditel-01-12-2016-vizion-plus

Por politikës nuk i kanë munguar publiku besnikë i cili ka preferuar të ndjekë emisionin e Blendi Fevziut Opinion dhe të ftuarin e tij, kryetarin e partisë demokratike Lulëzim Basha me një share audience prej 20.6, i ndjekur nga Top Story në Top Channel ku i ftuar ka qenë kryeministri Edi Rama.

Jo më pak i rëndësishëm ka qenë edhe emisioni i Ylli Rakipit në News 24, Të Paekspozuarit me të ftuar kryetarin e LSI Ilir Meta, i cili është renditur si programi i katërt me më shumë telespektatorë duke shënuar një share prej 5.8 të audiencës.

Ndërkaq TVSH mbetet ende ndër ekranet më pak të ndjekura në arenën e audiencës televizive shqiptare me një shar prej 5.4.

Kështu Vizion Plus me produksionin e spektaklin “Tu si que vales” ka arritur të vendos një tjetër rekord televiziv duke lënë pas edhe Opinion në TV Klan, i cili mbante deri më sot telespektatorin e mbërthyer përpara ekranit si programi më i ndjekur i viteve të fundit.

 

REKLAMA
loading...

KOMENTO

This site uses Akismet to reduce spam. Learn how your comment data is processed.