Ndërkohë që na ndajnë dhe pak orë nga takimi Danimarkë – Shqipëri, e vlefshme për kualifikatorët e France 2016, shumë prej zotëruesve të një dekoderi Digitalb kanë shpresuar se mund të shihnin ndeshjen falas, sikurse ishte njoftuar në faqen zyrtare.
Në fakt, për të ndjekur këtë ndeshje “falas” nuk mjafton vetëm dekoderi por edhe një abonim aktiv. Në një mesazh dërguar një abonenti, Digitalb ka sqaruar se takimi Danimarkë – Shqipëri do të mund të shihet falas vetëm nga abonentët që kanë një aktiv një nga paketat bazë ose premium, të paktën prej një muaji.
Pra për të qenë më të saktë ndeshja nuk është falas por vetëm për ata që kanë paguar.