Kombëtarja shqiptare, nën drejtimin e trajnerit Silvinjo, do të përballet këtë të shtunë me Ukrainën në ndeshjen e parë të grupit B1 të Ligës së Kombeve. Ndeshja do të zhvillohet në stadiumin “Epet Arena” në Çeki, duke nisur nga ora 20:45 dhe do të transmetohet ekskluzivisht në Tv Klan.
ADVERTISEMENT
Me qëllim nisjen e suksesshme të këtij rrugëtimi, kuqezinjtë do të kërkojnë një fitore të rëndësishme, për të shtuar shpresat për vendin e parë në grup. Shqipëria ndodhet në një grup të fortë përkrah Ukrainës, Gjeorgjisë dhe Çekisë, ndërsa Liga e Kombeve përfaqëson një mundësi për t’u kualifikuar në Kupën e Botës. Arkëtimi i pikëve maksimale do të jetë kyç për të përmbushur këtë objektiv.
ADVERTISEMENT
