Seriali i suksesshëm turk “Sulejmani i Madhërishëm” ka ndërprerë transmetimin në kanalin “RTL Klub” në Hungari në sezonin e tij të katërt për të startuar në muajin janar. Pas një suksesi të konsiderueshëm, ashtu si kudo ku është shfaqur.
Në adresë të kanalit “RTL Klub” kanë arritur me dhjetëra e dhjetëra e-maile dhe mesazhe nga audienca për t’a rikthyer atë sërish në transmetim sa më parë, jo deri në muajin janar. Sipas tyre, edhe tre muaj për startin e këtij seriali janë tejet shumë për të pritur. Mësohet se në orarin që më parë është transmetuar “Sulejmani i Madhërishëm”, tashmë “RTL Klub” ka një disfatë të konsiderueshme në rënie të audiencës. Natyrisht kjo tregon edhe suksesin që ky serial turk ka patur edhe në Hungari.
Kujtojmë se “Sulejmani i Madhërishëm” vazhdon suksesin e tij, pikërisht pasnesër starton episodi i parë i sezonit të parë edhe në kanalin “TVP Polonia” në Poloni. Në Shqipëri “Sulejmani i Madhërishëm” vazhdon të shfaqet në sezonin e fundit në “Albanina Screen”.
IMA / S. Dema