Meridian Ramçaj ka qenë një prej të ftuarve mbrëmjen e sotme në “Pardon My French” në TopAlbania Radio, me Jonida Alickollin dhe Elona Duron, teksa ish-banori i “Big Brother” në dy raste, ka folur në lidhje me lojën e reality show, arsyen përse personazhet zgjedhin të futen dhe efektin që programi ka.
Në fillim, ai zgjodhi të thotë sipas tij arsyen përse banorët si Efi u rithyen në shtëpi, ndërsa ka dhënë edhe një mendim për finalistët e si ndikon kjo aventurë në jetën e tyre:
“Të gjithë thonë që doja të dilja vetë, isha mërzitur por të gjithë nga brenda e kanë atë dëshirën për t’u rikthyer dhe për të qenë pjesë e atij formati deri në fund të atij rrugëtimi. Të gjithë hyjnë për të vajtur në finale dhe të gjithë gëzohen kur dalin.
Ajo është si një shkollë. Të kesh të bësh me 17 karaktere dhe personalitete të ndryshme ku secili është ndryshe nga tjetri dhe nuk kanë asnjë të ngjashme me njëri-tjetrin. Shiko kush shkoi në finale, Kristi me kë ngjan nga ato si karaktere dhe si personazh? Me asnjë, as Dea Mishel dhe Efi. Luizi është totalisht i veçantë në mënyrën e tij. Absolutisht që kjo të përgatit për jetën e përditshme, të mëson si duhet të reagosh në situata të ndryshme. Pas 2 javësh në atë shtëpi njeriu fillon edhe del në karakterin e tij unë e kam thënë. Të njëjtat gjëra ndodhin edhe në jetën tonë të përditshme. Normalisht që të bën më të fortë dhe ta kalit atë pjesën e durimit sepse bëhesh më i duruar.”
Ndërkohë Meridiani ka dhënë edhe mendimin e tij nëse një format i tillë të bën të famshëm dhe të pasur:
“Për çfarë hyjnë njerëzit?(Që të bëhen të famshëm) Formate të tilla janë një mundësi që ti të promovohesh. BBV është një mundësi që ty të jep që të shfaqësh atë që ti ndoshta ke, si për shembull të folurit, të argumentuarit, je ngacmues, mund të bësh një opinionist të mirë sepse ke shumë gjëra që BBV t’i promovon.
A të bën të pasur? Absolutisht që po. Çdo mundësi që të jepet në televizion është një mundësi për t’u bërë i pasur por varet sa di ti që ta shfrytëzosh.”
