Është cilësuar si skandal në shumë portale në internet dhe bëhet fjalë pikërisht për zëvendësimin e emrave të lojtarëve mbi shpatulla në fanellën e kombëtares me emrin e sponsorit të ri, “DigitAlb”.
Sipas portaleve të ndryshme, i gjithë ky ndryshim është në kundërshti me rregullat e UEFA-s dhe FIFA-s dhe në asnjë kombëtare tjetër në botë nuk ka ndodhur deri më sot. Pak ditë më parë FSHF – Federata Shqiptare e Futbollit ka prezantuar sponsorët e rinj të eliminatorëve të europianit “France EURO 2016”, dhe si sponsor gjeneral është platforma dixhitale “DigitAlb”.
Nga tifoz të ndryshëm dhe media on line nuk është pritur aspak mirë sponsori i ri, pasi ka zënë një hapësirë të pamerituar në fanelën kuq e zi. Nga e gjithë kjo situatë e krijuar, vetë “DigitAlb” është detyruar të reagoj me një status në faqen zyrtare të “DigitAlb” në Facebook, ku shpjegon me detaje se vetë kompani nuk ka si synim reklamimin e produkteve të saj, por ndihmesën për të çuar sa më larg kombëtaren shqiptare.
IMA / S. Dema
