Pas publikimit të lajmit në një media online ku arrihej në përfundime që çonin në mbylljen e transmetimeve të Agon Channel, bazuar kjo në një status të gazetares Sonila Meço, stafi i Info Media Albania ka kontaktuar personalisht me gazetaren e cila ka përgenjeshtruar kategorikisht hamendimet e publikuara.
Sonila Meço ka thënë për IMA se mesazhi i saj është keqkuptuar dhe se nuk është aspak e vërtetë se Agon Channel do të mbyll transmetimet e tij. Por çfarë do të rezervojë në sezonin e ri kanali i sipërmarrësit Francesco Becchetti, i cili prej muajsh ndodhet në shenjestrën e Qeverisë Shqiptare për akuzat e fallsifikimit të dokumentacionit dhe pastrim parash? Nga sa ka konfirmuar Sonila Meço do të vijoj puna dhe beteja për të dokumentuar gjithçka në transparencë të plotë për të nxjerrë në dritë të vërtetën që fshihet pas sulmit politik që është ndërmarrë ndaj kësaj media. Një mision që ka nisur prej muajsh me programin “Tema e Ditës”.
