Sonila Meço, gazetare e njohur dhe moderatore e këtij programi, ka njoftuar me entuziazëm rifillimin e emisionit të saj të suksesshëm “Task Force” në një sezon të ri televiziv në kanalin SYRI TV.
Përmes një postimi të shkurtër në rrjetet sociale, Sonila Meco ka ndarë lajmin me ndjekësit e saj. Ajo shkruan: “Rinisim, nga sot, aty ku e lamë, siç dimë ne, siç na e keni kërkuar gjithmonë. Adresa dhe oraret të njëjtat. Vullneti dhe këmbëngulja gjithaq 😊 Task Force, nga e hëna në të enjte, ora 18:00. Ritransmetimi në ora 23:30. Në Syri Tv, live online në Syri.net dhe rrjetet sociale të Syrit.”
Programi “Task Force” është një program informues me në fokus debatin, i cili ka treguar përherë angazhimin e Sonila Meco në prezantimin e çështjeve aktuale dhe të ndryshme shoqërore.
Me rifillimin e këtij sezoni, programi do të sjellë debate të frytshme dhe analiza të thella mbi temat e ndryshme mbi aktualitetin.
“Task Force” do të transmetohet çdo ditë nga e hëna deri në të enjte, ora 18:00, dhe për ata që nuk mund ta shohin në këtë orar, ka mundësi të ritransmetimit në orën 23:30.
View this post on Instagram
