Një nga protagonistet e “”Për’puthen”, Shqipe Hysenaj, vazhdon të jetë shumë e pëlqyer nga publiku, edhe pse nuk është më pjesë e programit prej disa kohësh. Ajo ka qenë shumë aktive në rrjetet sociale, për sa i përket atyre që kanë ndodhur dhe ndodhin në “dating show”, duke qenë ndër të parat që ka folur edhe për historinë e Andit dhe Teas. Ndërkohë Shqipja ka pasur edhe disa përplasje virtuale në të kaluarën me autoren e programit, Olsa Muhametin, por që mesa duket gjithçka mes tyre është sqaruar dhe tashmë kanë marrëdhënie të mirë.
Këtë në fakt e konfirmoi vetë Olsa në një intervistë për “Pardon My French””, në Top Albania Radio, ku ndër të tjera tha se ka pirë një kafe me Shqipen dhe kanë folur, ndërkohë që u shpreh se kjo e fundit, së bashku me Anën, janë konkurentet që i mungojnë programit,për shkak të dinamikës që sillnin. Gjë që Hysenaj duket se e ka vlerësuar.
Konsiderata që Olsa ka për ish-konkurentet e “Për’puthen” mesa duket është bërë shkak që ajo t’i rikthejë sërish, por këtë herë ato do të jenë në rolin e opinionisteve në “Prime”. Kjo në fakt do të jetë hera e parë që dy protagoniste të programit do të jenë në krah të Arjan Konomit, për të dhënë opinionet për gjithçka që ndodh aty.
Kështu, në puntatën e sotme të “Prime” do të shohim Shqipen dhe Anën në karriget e opinionsteve, ku me shumë gjasë do të risjellin dinamikën për të cilën Olsa ka folur.
Ndërkohë kujtojmë që puntatën e kaluar të së dielës, Shqipja ishte në rolin e të ftuarës, ndërsa Anën e kemi parë si moderatore, kur Bora Zemani mungonte për shkak të Covid-19.